Plantun de Prouvènço

Pèr coumpara dos planto d'encò nostre

Gentiana brachyphylla & Brassica tournefortii

Gencianeto(-di-fueio-courto)

Gentiana brachyphylla

Gentianaceae

Àutri noum : Gensianeta , Gansaneta, Preiret.

Nom en français : Gentiane à feuilles courtes.

Descripcioun :
La gencianeto-di-fueio-courto trachis dins li pelouso roucaiouso d'auto mountagno. Flouris après lou desneva. Li fueio soun courteto e fan de rouseto basalo, pamens èi subretout emé soun "calice" gaire o quàsi pas ala (alo < 0,5 mm), que se destrìo de sa cousino la gencianeto-di-fueio-redouno, Gentiana orbicularis, que se vèi dins li mémi relarg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 6 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 1800 à 3200 m
Aparado : Noun
Jun à avoust

Liò : Pelouso roucaiouso
Estànci : Aupen
Couroulougi : Ouroufito-Sud-Éuroupenco
Ref. sc. : Gentiana brachyphylla Vill., 1779

Caulet(-de-Tournefort)

Brassica tournefortii

Brassicaceae Cruciferae

Nom en français : Chou de Tournefort.

Descripcioun :
Lou caulet-de-Tournefort o moustardo-dóu-desert, trachis dins li sablo proche de la mar e dis oustau. Li fueio de la rouseto soun proun grosso e descoupado ; dounon d'èr à li de la ravanello. Li flour, jauno palinouso, soun pas bèn grosso (petalo < 7 mm), e li silico, acabado pèr un bè, fan de 3 à 7 cm emé de 0 à 2 grano.

Usanço :
Li jóuini flour podon èstre manjado, mai pas de trop que caupon de glucosinolate (subretout dins li grano e li racino) qu'empacho la fourmacioun di gloubihoun rouge.

Port : Grando erbo
Taio : 0,3 à 1 m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printems Ivèr

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Decèmbre à abriéu

Liò : Sablo de mar - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino éurasiatico
Ref. sc. : Brassica tournefortii Gouan, 1773

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana brachyphylla & Brassica tournefortii

ges

Coumpara Gencianeto(-di-fueio-courto) emé uno autro planto

Coumpara Caulet(-de-Tournefort) emé uno autro planto